ماعرفش إذا كان الموضوع ده بقى عاده ولا إيه النظام كلنا طبعا سمعنا أغنيه بشوف كلام بتاعت تامر حسني
الي أنا بقيت ملاحظه إن الموضوع ده بقى موجود كتير سواء في (حبيب أو صديق) يعني تلاقي في يوم كده إنك بتحب واحد موووت
وبجد تحس إنك مش ممكن تستغنتى عنه وإنه بيشغل حيز كبير في حياتك وهو يحسسك بكده برضو
وفجأه وبدون مقدمات هو يتغير وتحس في عنيه إن الحب الي كان بيحسسهولك أو الي كنت إنت بتحسه من ناحيته مات خلاص إنتهى وإن دي النهايه العلاقه سواء (صداقه أو حب) وبحسها موجوده في الصداقه أكتر من الحب
وحتى وإنتوا مع بعض إنت بتحس منه إنه بعيد عنك إحساس غريب وبشع ده بجد مش عارفه ممكن أوصفه بإيه ولا ياسلام لما تكونوا بتفهموا بعض
بنظارات العين وفجأه تلاقي الموضوع ده مبقاش موجود وحجات كلها تتغير وتصرفات بتبقى غريبه كأنكوا عمركوا ماتعاملتوا مع بعض
ووقتها تفضل تفكر هو إيه الي حصل لكل ده وعلشان إيه وتبدأ تراجع نفسك ومتلاقيش نفسك إنك غلطان أو إنك ممكن تكون غلطان بس مش
الغلط الشنيع الي يخلي كل ده يحصل ووقتها تروح وتكلمه وهو يقولك بكل برود عادي مافيش حاجه هتبقى هتتجنن من الرد والبرود ده
حاجه بجد تدايق وتخنق وتزعل خصوصا لما يكون الشخصيه دي غاليه عليك أو مابينكم علاقه قويه صعب أي حد يكسرها
بس مع مرور الوقت كل حاجه بتتغير ليه بيحصل كده حاجه بجد تدايق بجد انا مش عارفه أقول إيه بس انا أتمنى إنه يكون وصلكوا الإحساس
الي أنا حساسه والي نفسي أوصله
لكن نفسي أسأل هل ممكن يكون الإحساس ده وهمي؟؟
وسوري إذا كنت صدعتكوا
الموضوع منقول .. بس حسيت بكلامو منشان هيك نقلتو وبدي رأيكم ؟؟